Cindy

鞋，過去呢個星期，我為左份功課報告寫左六千五百幾個字，都仲未寫完，雖然唔係d物勁野。但吐左咁多字出黎而家打中文都有少少驚。但諗諗下又好耐都無寫過blog lo wo，所以今日突然間好想寫，咁當然啦，梗係又發生開心事要記錄落黎啦。

今日同你講左好多野呀，有我嘅野啦，亦都有你嘅野喎，當然我咁 b le ba la，講我嘅野一定係多過你啦。嘻嘻，其實好鐘意聽你講野家，咁樣我就可以知多d你嘅野。哈哈，我係咪好八呢？ 無錯，我係位 gossip girl，哈哈。

至於今日，我終於買埋我有用而咁耐都仲未去買嘅野，好多謝你陪我去呀:)，買左物野？梗係同 shinkansen有關啦，哈哈。上次都見到家啦，但因為我無手拎而放棄左買，唔好誤會，係放棄左個次買隻，我從來都無放棄過唔買，好彩今日去番都仲有，係最後兩隻（我估），哈。咁當然我係一次過買左兩隻啦，個兩個杯真係好靚家，我係唔會比其他人用家，除左............哈哈.................. 除左杯之外，我又多左個shinkansen嘅印仔囉...........真係多謝曬啦 :)

跟住我就順勢買埋個枕頭啦，開頭問個個sales姨姨兩個枕頭有物分別，個sales姨姨話「無家」，但個枕頭有分男仔用同女仔用囉，緊住就話可以試下家，下，我今日著裙仔，唔想訓落床到試囉。好彩你向到，捱義氣幫我訓落去試咋，真係又又又多謝曬啦!!!!!!!!!

呀！差d唔記得左“阿當“添，而家我可以將幾部機放埋一齊啦！哈哈哈!!!!!

At last, I will keep my promise, you can do / order anything you want..... hehehe..... :)

哈，尋日第一日向新屋到訓，一個字“爽"呀。原先都係諗住二十九號入住，但聽同事講二十號係好日，同埋如果拜左神嘅，唔好拜左唔入去住，所以我都象徵式咁尋晚向個邊過左一晚。朋友教第一日入住個日要煲一壼熱水再用風扇將d蒸氣吹到成屋周圍都係，寓意風山水起，但由於時間關係，我買唔到煲，所以無做到，我諗無野瓜........我諗至多都係發唔起ja....哈哈

其實我都未收拾好，只係好似租左酒店咁訓一晚，係屬於自己嘅酒店....哈哈! 講到呢到我要多謝你呀，多謝你尋晚送左两份大大大大大大禮物比我做入伙禮物呀，两份我都勁鐘意，真係諗到無諗過呀!!我今日都有試過張野呀，真係好舒服呀，嘻嘻。

我今次真係抽起心肝唔好再咁敗家啦。事原我今日收到電話費單，今個月成五百幾蚊，爆得勁多，因為我個plan係六十八蚊，鞋。你都啱嘅，你都係keep住我個電話先啦 :(

Cindy妹，你要加油呀，咪搬左出黎之後物都唔節制，到糧尾個時你就要篤鹽食飯家啦!! :)

P.S 下次我唔會再叫停家啦，係絕對唔可以

今日，收到學校寄黎嘅信。內容係「本校中學部禮堂拆建在即，為了共同懷緬往昔美好的校園時光，聯繫師生情誼，本校在2009年7月10日（星期五）下午五時至九時於中學部舉行09年夏日懷舊晚會。歡迎本校高中畢業的歷屆校友踴躍參加。.................」

睇完之後，心諗，繼培正，永援(以我所知的)之後, 鏡平又話要改建校舍。而家d學校又真係有錢，時不時郁d話改呢樣，郁d又話拆個樣。咁你話改善學校教學設施等同學仔有更好嘅教學設備上堂都話係件好事，但改建禮堂又好像有點兒那個，羊毛出自羊仔身上，改建嘅錢最終都係會落入薯薯的學弟學妹身上。之不過，講番轉頭，而家都唔知佢會改建做物，所以都唔好否定學校做法。我都係見到封信是但講幾句ja.......

都好嘅，比個藉口迫自己返去學校到睇下，唔會有咁多次機會可以比畢左業嘅學生返母校，又或者咁講，唔會有好多人願意或有興趣返母校睇下。如果今次無其他好熟嘅同學陪我返去，我諗我都唔會去，到而家為止，以我所知的，我的好朋友同隔離位會出席，咁唔知小彥哥哥會唔會去呢？好耐都無見過佢啦，仲有其他學長，唔知到時會見到幾多好耐無見嘅朋友呢？

今日好開心呀，又咁耐都無寫個個spaces，所以今日要寫番兩個呀 ^_^

今日同你一齊去食早餐，傾計，玩，又一齊買我地都鐘意嘅玩具 (唔係，正確黎講係你送比我嘅禮物 ^_^ ) 仲有最後講電話tim ^_^，真係開心到不得了呀！^_^

但係講番轉頭，我又好sorry 咁成日要你等我呢樣，等我個樣。我真係做物都好慢家，所以你下次可以提前叫我又或者吹我，有壓力下嘅我做野都幾快家，真家，你可以試下家 ^_^

哈，我都係時候要開始準備幫玩具搬屋啦，希望我唔好一路執一路玩啦，咪執足幾日都執唔曬呀..... 哈哈 ^_^

P.S 希望你可以快d黎我屋企玩啦。仲有你話想佢地兩"兄弟"重逄，哈哈，我己經同"佢"講左啦，"佢"同我一樣都好期待呀，但我同"佢"一樣，唔想你無左"細佬"陪你呀 :(

鞋，又咁耐都無寫添，跟大家報告一下先。上星期日：

第一日：不幸被貓房嘅貓貓咬到嘅我，又好好彩咁咬中左手指中嘅血管同神經嘅我，向止唔到血嘅情況下去左鏡湖。過左三個几鐘總於到止到血，好痛好痛咁打左支破傷風針緊住就番左屋企休息。休息 ﹣我都想，個晚真係痛到訓到訓唔到，手指揪住揪住咁痛，真係痛死我，至閉係两隻手咁揪住痛。點解？因為另外一隻手打左針嘛，傻瓜!!

第二日：放工個時，我真係忍唔住好痛咁再去急診，醫生一拆傷口就睇到個傷口發炎，仲含膿添（即係我成日講嘅吽菇），緊住醫生話要bit膿出黎做化驗，睇下有無菌喎，嘩，真係痛到不得了，直頭係眼淚水都bit埋出黎呀! 緊住好戲在後頭，bit完洗完傷口之後，醫生話“要吊消炎針喎，仲要两支“。吊個時個護士小姐又話我血管細，正黎正去都正唔到我條血管wo.....嘩，又鬼死咁痛，最後佢放棄左用另一隻手，好快咁就正到啦。個晚由八點到正到十一點先返到屋企，但好彩之前食左野至去 -_-lll

第三日： 到醫院洗傷口，點知醫生睇傷口時又話要吊針，仲係要吊三支添，两支今日，一支聽日。我暈啦! 之不過今次個護士手勢幾好，一正就正中條血管，但個針位都好痛。

第四日：真係好唔想去，但最後當然有去啦! 我見到之前幫我打過針個两位護士，我二話不說咁揾左個手勢好個個，唔好玩啦! 再比你亂咁正，我實死無生，係痛死。但最後都係好痛咁出番黎，因為個針口位實在太痛啦！

第五日：無樹lu......醫生話聽日唔洗黎，後日先再過黎洗傷口。但個傷口好鬼痕，不過最後我知道原因。原因就係d細胞小子幫我補緊個傷口，佢地日以計夜咁幫我補，就向佢地補嘅時候掂到我，所以就鬼咁死痕。真係辛苦曬佢地lu....... :)

第六日：到未到..........點知會發生物喎........>.<

鞋，阿媽成日講，買六合彩又唔見你中喎，呢d咁高難度你又中，下......我都唔想家........ 不過，而家都好快會好番lu.......諗起都興奮呀，哈哈 :)

尋日見到妹妹，勁得意，勁可愛。好想抱住佢係咁錫，對你笑個時真係得意到不得了，同我一樣，得一邊有酒凹家咋，笑個時見到d牙仔，呀~~~~~~簡直就殺死左我呀! 哎喲，好想佢黎我屋企玩呀, 咁我就可以攞我d玩具出黎同佢一齊玩。妹妹~~好掛住你呀 >~<

鞋～我忍唔住啦......谷住谷住好似便秘咁。其實現家睇左五六間屋，都係第一個間我係最鐘意嘅，雖然無物景睇，比起其他單位唔大，但唔知點解就正係鐘意第一間，好似鬼上身咁。但可惜，個業主死都唔肯減，咁算啦，唯有放棄啦！但又有d唔憤氣wo....因為我不停咁用左好多無謂嘅時間諗點樣粉飾間屋，但最後我都係租唔到.......鞋～又再一次證明左未得到手嘅野係唔可以興奮家，咪到頭黎又係得「失望」两個字。Linkin Park就係一個好例子，第一次知道佢地黎個時真係興奮左幾個月，到頭黎又取消左 :( 又失望左好一段時間，今次又係咁.......真係蠢，人地話蠢左一次下次就會學聰明d，但我蠢左一次就再蠢埋第二次lo，唔止，係仲有第三四五次，都唔知幾時先會聰明d...總知，而家好煩r.....................................

好懶呀，真係好懶呀！好多日都無update過個Spaces啦！近呢幾日，成日都向到發白日夢，哈哈，發白日夢係我強項。原來，等待真係件好辛苦嘅事，唔知我仲要等幾耐先可以得到我勁想要嘅野呢？鞋～快d黎就好啦.....不過仲向我未得到之前做好一切嘅準備先，話曬都係件大事，一定要有充足嘅準備先得呀, 哈哈 :)

哈哈，尋晩發夢發到我連自己邊d係現實邊d係發夢都分唔清，個夢又真係勁貼實現實，事關個夢係同我現實同步家，點講好呢？我向張床到訓交交豬，矇下矇下咁打message喎，又訓又打message，但我又記得每一個我打嘅message內容係物喎，而且我有send出去，到今朝起身個時就諗，死la...我一晚send成四個message比佢, 會唔會煩住佢，阻住佢交交豬呢？即刻睇番個電話，好彩正係send左两個je....其餘個两個都係發夢個時打同send.....好彩，好彩.........

今日，又好開心你可以陪我，陪我食野，揾樓，買電話，飲野，玩電話，傾計等等等等................嘩，真係爽呀, 哈哈 :)

唔知過左幾多日,終於可以攞番個新火牛啦！好彩今次仲未過保養期,唔係又要再曬錢再買過。T.T 聽日又放假啦，嘩哈哈........................